نشأه الكون
بسم الله الرحمن الرحيم
ايه الاسم الغريب اللي انا كاتبه في العنوان ده؟ الجواب, معرفش.
كنت في مره بقرا في جريده امريكيه لو تعرفوها اسمها نيويورك تايمز, قريت العنوان المكتوب كاسم للرساله بتاعتي دي, لما قريت المقاله, لقيتهم بيقولوا مشروع متكلف بلايين الدولارات وبقاله 30 سنه والعالم كله مستنيه, وانا اول مره اسمع اي كلمه من التلات كلمات المكونه لعنوان الرساله دي في حياتي لما قريت المقاله دي.
اللي فهمته بعقليتي البسيطه وقتها ان العلماء المهتمين بالموضوع ده فيزيائيين العالم المهتمين بمعرفه نشأه الكون, واللي عرفته برده ان نشأه الكون دي ليها نظريات كتييييييييييير حاولت تفسرها, النظريه اللي العالم اقرها واعتبرها هيا النظريه الصحيحه لنشأه الكون وليها شواهد كتير تاكدها هيا نظريه..........." الانفجاااااااار الكبيييييييييير" وبيسموها با الانجليزي " بيج بانج"
المهم, لقيت نفسي عشان افهم عنوان الرساله دي لازم افهم نظريه الانفجار الكبير, ويجيلك بعدها حاجات تانيه تلاقي نفسك لازم تفهم يعني ايه ثقب اسود والنموذج القياسي الفيزيائي لوصف الاشياء وحواااااااااارات. اهم حاجه في الموضوع ده اني حسيت ان الموضوع يستاهل اني اقعد علي النت وافهم وادور عشان احس علي الاقل اني فرد في العالم دي اللي عماله تبحث وتدور وكانها شغاله في كون تاني غير الكون بتاعنا.
كانت اول حاجه تناولتها بقدر من البحث موضوع الانفجار الكبير ولقيت انه موضوع سهل اوي وبسيط ان شاء الله. هقولكم بس فكرته ببساطه دلوقت ونخش في التفصيل في الحلقه الجايه ان شاء الله.
جه واحد عالم زمان اسمه " هابل) كان عامل تلسكوب كبيييير وسماه علي اسمه برده" هابل يعني", المهم الراجل ده وهو بيبص في السما كده علي المجرات والكواكب والعالم الخارجي ده لقي حاجه عملتله صاعقه, لقي ياسيدي ان كل الاجرام السماويه دي بتبعد عن الارض, مش في مدار ثابت حواليها او بتقرب حتي في اسوا الظروف, لا بتبعد وعماله تبعد. لا وايه, سبحان الله, دي كمان بتبعد عن بعضهم البعض, يعني كله بيبعد عن كله, طب ده فسروه با ايه؟
قالك بس, يبقي الكون في حاله تمدد مستمر , اللي شفناه دي معناه ان الكون بيتمدد وبيتسع. كلام جميل, كلام معقول, مقدرش اقول حاجه عنه.
طيب لو فكرنا بعمق اكبر شويه, ما دام الكون عمال يتمدد ويتسع, وشغال في التمدد, معني كده انه بكره هيتمدد اكتر من النهارده, ومعني كده برده ان امبارح كان منكمش عن النهارده, يعني ارجع كده لورا بالزمن شويه, معني كده ان الكون كل ما رجعنا با الزمن لورا, كل ما كانت المسافه بين الاجرام السماويه اقرب لبعض من دلوقت, يعني لو رجعنا بقي لورا خالص, لاصل الكون, نلاقي ان الكون في الاصل كان متناهي في الصغر, البعض قال حجمه كان نقطه او صفر. طب امال الكون ده زي ما شايفنه كده ازاي؟
قالك بس, من الحجم الصفر ده, حصل ( الانفجاااااااااار الكبييييييييييير) اللي بعدها اتكونت الاجرام السماويه دي والكواكب وسبحان ربي الخالق, ونكمل بقي التكوين ده ربنا اراد انه يتم ازاي وشويه حاجات حلوه برده ان شاء الله في الحلقه الجايه.
References:
الاعجاز العلمي في القران الكريم( برنامج عندي علي الكمبيوتر)
http://www.umich.edu/~gs265/bigbang.htm
To be continued.....
المهم, لقيت نفسي عشان افهم عنوان الرساله دي لازم افهم نظريه الانفجار الكبير, ويجيلك بعدها حاجات تانيه تلاقي نفسك لازم تفهم يعني ايه ثقب اسود والنموذج القياسي الفيزيائي لوصف الاشياء وحواااااااااارات. اهم حاجه في الموضوع ده اني حسيت ان الموضوع يستاهل اني اقعد علي النت وافهم وادور عشان احس علي الاقل اني فرد في العالم دي اللي عماله تبحث وتدور وكانها شغاله في كون تاني غير الكون بتاعنا.
كانت اول حاجه تناولتها بقدر من البحث موضوع الانفجار الكبير ولقيت انه موضوع سهل اوي وبسيط ان شاء الله. هقولكم بس فكرته ببساطه دلوقت ونخش في التفصيل في الحلقه الجايه ان شاء الله.
جه واحد عالم زمان اسمه " هابل) كان عامل تلسكوب كبيييير وسماه علي اسمه برده" هابل يعني", المهم الراجل ده وهو بيبص في السما كده علي المجرات والكواكب والعالم الخارجي ده لقي حاجه عملتله صاعقه, لقي ياسيدي ان كل الاجرام السماويه دي بتبعد عن الارض, مش في مدار ثابت حواليها او بتقرب حتي في اسوا الظروف, لا بتبعد وعماله تبعد. لا وايه, سبحان الله, دي كمان بتبعد عن بعضهم البعض, يعني كله بيبعد عن كله, طب ده فسروه با ايه؟
قالك بس, يبقي الكون في حاله تمدد مستمر , اللي شفناه دي معناه ان الكون بيتمدد وبيتسع. كلام جميل, كلام معقول, مقدرش اقول حاجه عنه.
طيب لو فكرنا بعمق اكبر شويه, ما دام الكون عمال يتمدد ويتسع, وشغال في التمدد, معني كده انه بكره هيتمدد اكتر من النهارده, ومعني كده برده ان امبارح كان منكمش عن النهارده, يعني ارجع كده لورا بالزمن شويه, معني كده ان الكون كل ما رجعنا با الزمن لورا, كل ما كانت المسافه بين الاجرام السماويه اقرب لبعض من دلوقت, يعني لو رجعنا بقي لورا خالص, لاصل الكون, نلاقي ان الكون في الاصل كان متناهي في الصغر, البعض قال حجمه كان نقطه او صفر. طب امال الكون ده زي ما شايفنه كده ازاي؟
قالك بس, من الحجم الصفر ده, حصل ( الانفجاااااااااار الكبييييييييييير) اللي بعدها اتكونت الاجرام السماويه دي والكواكب وسبحان ربي الخالق, ونكمل بقي التكوين ده ربنا اراد انه يتم ازاي وشويه حاجات حلوه برده ان شاء الله في الحلقه الجايه.
References:
الاعجاز العلمي في القران الكريم( برنامج عندي علي الكمبيوتر)
http://www.umich.edu/~gs265/bigbang.htm
To be continued.....
No comments:
Post a Comment