بسم الله الرحمن الرحيم
السلام عليكم ورحمه الله وبركاته, النهارده ( الاحد 28-12-2008) وعلي الساعه 8 مساءا كده كنت بقلب في التلفزيون(القنوات الفضائيه). جه في بالي ساعتها اشوف قناه ال BCC World عشان كان بقالي فتره كبيره اوي متابعتهاش......لما قلبت عليها لقيت اطفال صينين عمالين يجروا,وشويه في مطعم,وشويه في فصل.........شويه اسمع صوت واحد بيتكلم انجليزي من القناه وشويه الصينين يتكلموا والاقي ترجمه تحت,المهم,استنتجت ان ده فيلم وثائقي.
كان الفيلم ده بيجيب شخصيه(طفل مثلا) وبياخد حياته من اول ما يصحي لحد ما ينام. خمنت ان الواد ده بيمثل عالم من علماء الصين مثلا وهما عاملين فيلم عن قصه حياته,بس الموضوع طلع مش كده..........الموضوع طلع ان ده فيلم وثائقي عن المدارس في الصين.
انا هحكيلوا الفيلم زي ما انا شفته. الفيلم كان بيتناول المدارس الداخليه في الصين في المراحل المختلفه(الابتدائي والاعدادي والثانوي) مع ملاحظه ان التسميات للمراحل التعليميه في الصين بتختلف عن مصر.
اول ما شفت الفيلم,كان المعلق بتاع الفيلم الوثائقي بيتكلم عن واحد,تلميذ شكله كده في المرحله الاعداديه,اول ما شفت الفيلم ده,كان مشهد التلميذ ده بياكل بايد,والكتاب علي التربيزه اللي بياكل عليها وبيذاكر بايده التانيه. بعد كده قال انه بيحب يزرع وبيحب التاكسي بتاع والده وبيحب الموسيقي.........الخ.
جاب بعد كده النظام جوه المدرسه ايه.التلاميذ بتنام في عنبر بيبقي فيه حوالي 30 تلميذ.السرير اللي التلميذ بينام عليه بيكون تحتيه لبسه كله,وادامه جزمته,وفوقيه الفوطه بتاعته,مجرد ما جرس الاستيقاظ يدق,تلاقي التلميذ وهو علي سريره غير هدومه ولبس وجهز وبقي اخر تمام.
بعد ما التلامذه صحيوا(الكلام ده الساعه 6 الصبح) ينزلوا ملعب يجروا فيه لمده معينه,بعدها يخشوا علي المطعم يفطروا.
بعد ما خلصوا فطار,يدخلوا فصولهم,يبدأوا بقي يذاكروا مع نفسهم لمده 45 دقيقه بصوت عالي,ومفيش مدرس في الفصل,حاجه بيسموها الself-study. ومنظر غريب انك تلاقي حوالي 40 طالب في الفصل كلهم بيذاكروا بصوت عالي,ازاي كلهم مركزين,حاجه عجيبه........والاعجب ان كل واحد في حاله,متشوفش طالب يقول لطالب وطي صوتك مش عارف اركز(وطبعا ده مش هيظهر في الفيلم,انما لو كان فعلا كل طالب في حاله,تبقي حاجه عجيبه فعلا).
بعد ما الطلبه بتخلص القرايه الجهريه دي,بيبدأوا الدراسه وتبدأ الدروس الفعليه بقي والمدرسين شغالين.........الخ.
يفضلوا علي الوضع ده كذا ساعه,بعدها ياخدوا راحه وينزلوا الملاعب يلعبوا رياضه.
بعد كده يرجعوا علي فصولهم تاني ويكلموا دراسه لحد الساعه 5. الطريف: انهم لما بيرجعوا من الراحه وبيدأوا الدروس مره تاني,لازم يعملوا تمرين غريب كده,بيحركوا صوابعهم حوالين عينيهم وكانهم بيعملوها مساج........انا معرفش ايه طبيعه التمرين ده,بس حسيت ان تمرين للتركيز او لتنشيط الذهن لانه لازم يعملوا التمرين ده قبل ما يبدأوا في الدروس تاني.
تفضل الدروس والحصص شغاله لحد الساعه 5 العصر................وهنا بتكون الدروس في اليوم ده اتنهت,يروحوا بقي اماكن مخصصه للمذاكره ويذاكروا فيها,وهنا كله بيذاكر في حاله وفي سره,مش جهري زي الصبح.............وبعد كده نوووووووووم.
بعد كده جه مشهد من مدرسه ابتدائي........المدرسه دخلت,التلاميذ وقفولها وحيوها.....جلوس......كله قعد.
كان عندهم حصه غريبه جدا اسمها" حصه احترام الاشياء".......كان الموضوع عن الاستيكه. المدرسه بتقول مين مش محافظ علي استيكته,وتفتش علي الطلبه,وتلاقي طالب مش محافظ عليها وخارمها ومبهدلها اخر بهدله(والظاهر ان ده بالاتفاق زي ما هنشوف بعد كده). تروح المدرسه بعد كده تطلع الواد ده بره,وتطلع الواد اللي محافظ علي استيكته ومخليها زي الفل.....وتخلي الواد المنظم ده يمثل انه مدرس وبتحفظه كلام يقوله للطالب اللي مبهدل استيكته علي الاخر زي" دلوقت انت فرحان وانا بزعق فيك ادام زملاتك,هل ده سلوك كويس انه تبوظ استيكتك كده".......تجيب المدرسه بعد كده تشرت اسود مخروم في حتت كتير,وتديه للواد اللي بيمثل انه مدرس.......يقوم الواد ده يقول للطالب المهمل " البس ده" .......ولما يلبسه الطالب المهمل,يقوله" شايف منظرك وحش ازاي,شفت انت اذيت الاستكيه ازاي".
بعد كده المدرسه هيا اللي بتمسك الحوار,وتقول ادينا شفنا ازاي زميلنا غلط وعامل الاستيكه وحش,بس احنا عاقبناه وعرفناه غلطه,نسامحه؟!!!!!!!......................يرد الطلبه كلهم: اه نسامحه.
حصه جميله وممتعه ومفيده ومتاخدش اكتر من نص ساعه وبتعلمنا قيم كتير وباسلوب فعال وممتع.
وبعد كده يخلص الموقف ده وتقول المدرسه للتلامذه خلاص,الحصه خلصت,واحنا النهارده اتعلمنا ازاي نحترم الاشياء.
ملحوظه:(مقدرتش ااخد بالي هل دي ماده عندهم خاصه باحترام الاشياء وكان موضوع اليوم استيكه,ولا هل دي حصه تنوعات مثلا وكان الموضوع عن احترام الاشياء).
بعد كده جه مشهد عن طالب في المرحله الاخيره اللي بتوازي الثانوي عندنا واللي بيسموها High school. كان بيجيب الطالب ده وهو بيلعب رياضه الجري وبيقول انا عندي امتحان رياضي بالاضافه للامتحان الاكاديمي,ولازم انجح في الاتنين. انا بذاكر في اليوم 10 ساعات وبتمرن 3 ساعات......ويجيبلك بقي الطلبه كلها وهيا بتتمرن وبتاكل في المطعم ويتحضر الدروس وبتذاكر وبيصورلك اليوم بتاعهم ازاي متنوع ومختلف ومليء بالانشطه والحيويه.
حاجات متفرقه:
الحاجات دي برده انا لاحظتها بس مش عارف احطها تحت انهي بند.
1-الطلبه بتذاكر وهيا بتاكل!!!!!!
2- بيهتموا بالرياضه جدا,لان فعلا العقل السليم في الجسم السليم.
3- جاب مشهد تلميذ في ابتدائي والمدرسه بتسأله عن نشاطه الرياضي المفضل,ولما الطالب اختاره وراحوا عشان يشتروا ادواته,ادام الراجل الcasher المدرسه ادت للتلميذ الفلوس وقالتله قول"اتفضل".......................بيعلموهم حسن المعامله من صغرهم وازاي يخلوهم رجاله......عشان كده الواحد لما يخلف ان شاء الله المفروض يعمل كده........مش تلاقي العيل الصغير تقوله "سلم علي عمو ياحبيبي",يقولك"لاااااااااا" ويستخبي وراك..!!!!!!!!!!!
4- كان جايب المدرسه مجتمعه مدرسين وطلبه وبيناقشوا مشكله للطلبه بيقولوا فيها ان الامتحان صعب........وتشوف الاهتمام علي وجوه الكل من اول ما مدير المدرسه لحد اصغر طالب في تناول المشكله.
5- الفصول نضيفه جدا,اه طبعا هما عارفين ان الBCC جايه تصور,بس برده لما تشوفها تحس انها في الاصل نضيفه,طبيعتها كده.
6- رغم ان الفصل فيه حوالي 40 طالب,الا انه مفيش شغب,المدرس ليه احترامه تماما............وده بيعكس ان الطلبه عايزه تتعلم والمدرسين عايزين يشرحوا وكل واحد فيهم حابب الواجب المطلوب منه وبيأديه بحب,مش لانه شيء واجب ومفروض عليه.........الطالب حابب يتعلم,والمدرس حابب يعلم.
7- اخر واجمل حاجه شفتها فعلا هو لما الطلبه بتعرف نتيجتها,المدرسين بيراجعوها معاهم بس مش بيجمعله الدرجات,لا,ده بيقولوا يافلان انت كان مستواك كذا ودرجتك قلت,لييييييييييه؟؟؟؟.........يقوله الطالب مكنتش بعرف انام,يقوله المدرس ليه, عندك مشاكل؟...........................وحوار بين الطالب والمدرس..............وفي النهايه,الهدف هو مصلحه الطالب.
وفي النهايه,احنا لو حبينا التعليم,لو حبينا نتعلم,لو لقينا كيانا في التعليم واننا بندرس فعلا مش بنحفظ ولا بنرص كلام وارقام جنب بعض....هنشوف تعليم مختلف تماما,مهما كانت امكانيتنا دي قليله.
كان الفيلم ده بيجيب شخصيه(طفل مثلا) وبياخد حياته من اول ما يصحي لحد ما ينام. خمنت ان الواد ده بيمثل عالم من علماء الصين مثلا وهما عاملين فيلم عن قصه حياته,بس الموضوع طلع مش كده..........الموضوع طلع ان ده فيلم وثائقي عن المدارس في الصين.
انا هحكيلوا الفيلم زي ما انا شفته. الفيلم كان بيتناول المدارس الداخليه في الصين في المراحل المختلفه(الابتدائي والاعدادي والثانوي) مع ملاحظه ان التسميات للمراحل التعليميه في الصين بتختلف عن مصر.
اول ما شفت الفيلم,كان المعلق بتاع الفيلم الوثائقي بيتكلم عن واحد,تلميذ شكله كده في المرحله الاعداديه,اول ما شفت الفيلم ده,كان مشهد التلميذ ده بياكل بايد,والكتاب علي التربيزه اللي بياكل عليها وبيذاكر بايده التانيه. بعد كده قال انه بيحب يزرع وبيحب التاكسي بتاع والده وبيحب الموسيقي.........الخ.
جاب بعد كده النظام جوه المدرسه ايه.التلاميذ بتنام في عنبر بيبقي فيه حوالي 30 تلميذ.السرير اللي التلميذ بينام عليه بيكون تحتيه لبسه كله,وادامه جزمته,وفوقيه الفوطه بتاعته,مجرد ما جرس الاستيقاظ يدق,تلاقي التلميذ وهو علي سريره غير هدومه ولبس وجهز وبقي اخر تمام.
بعد ما التلامذه صحيوا(الكلام ده الساعه 6 الصبح) ينزلوا ملعب يجروا فيه لمده معينه,بعدها يخشوا علي المطعم يفطروا.
بعد ما خلصوا فطار,يدخلوا فصولهم,يبدأوا بقي يذاكروا مع نفسهم لمده 45 دقيقه بصوت عالي,ومفيش مدرس في الفصل,حاجه بيسموها الself-study. ومنظر غريب انك تلاقي حوالي 40 طالب في الفصل كلهم بيذاكروا بصوت عالي,ازاي كلهم مركزين,حاجه عجيبه........والاعجب ان كل واحد في حاله,متشوفش طالب يقول لطالب وطي صوتك مش عارف اركز(وطبعا ده مش هيظهر في الفيلم,انما لو كان فعلا كل طالب في حاله,تبقي حاجه عجيبه فعلا).
بعد ما الطلبه بتخلص القرايه الجهريه دي,بيبدأوا الدراسه وتبدأ الدروس الفعليه بقي والمدرسين شغالين.........الخ.
يفضلوا علي الوضع ده كذا ساعه,بعدها ياخدوا راحه وينزلوا الملاعب يلعبوا رياضه.
بعد كده يرجعوا علي فصولهم تاني ويكلموا دراسه لحد الساعه 5. الطريف: انهم لما بيرجعوا من الراحه وبيدأوا الدروس مره تاني,لازم يعملوا تمرين غريب كده,بيحركوا صوابعهم حوالين عينيهم وكانهم بيعملوها مساج........انا معرفش ايه طبيعه التمرين ده,بس حسيت ان تمرين للتركيز او لتنشيط الذهن لانه لازم يعملوا التمرين ده قبل ما يبدأوا في الدروس تاني.
تفضل الدروس والحصص شغاله لحد الساعه 5 العصر................وهنا بتكون الدروس في اليوم ده اتنهت,يروحوا بقي اماكن مخصصه للمذاكره ويذاكروا فيها,وهنا كله بيذاكر في حاله وفي سره,مش جهري زي الصبح.............وبعد كده نوووووووووم.
بعد كده جه مشهد من مدرسه ابتدائي........المدرسه دخلت,التلاميذ وقفولها وحيوها.....جلوس......كله قعد.
كان عندهم حصه غريبه جدا اسمها" حصه احترام الاشياء".......كان الموضوع عن الاستيكه. المدرسه بتقول مين مش محافظ علي استيكته,وتفتش علي الطلبه,وتلاقي طالب مش محافظ عليها وخارمها ومبهدلها اخر بهدله(والظاهر ان ده بالاتفاق زي ما هنشوف بعد كده). تروح المدرسه بعد كده تطلع الواد ده بره,وتطلع الواد اللي محافظ علي استيكته ومخليها زي الفل.....وتخلي الواد المنظم ده يمثل انه مدرس وبتحفظه كلام يقوله للطالب اللي مبهدل استيكته علي الاخر زي" دلوقت انت فرحان وانا بزعق فيك ادام زملاتك,هل ده سلوك كويس انه تبوظ استيكتك كده".......تجيب المدرسه بعد كده تشرت اسود مخروم في حتت كتير,وتديه للواد اللي بيمثل انه مدرس.......يقوم الواد ده يقول للطالب المهمل " البس ده" .......ولما يلبسه الطالب المهمل,يقوله" شايف منظرك وحش ازاي,شفت انت اذيت الاستكيه ازاي".
بعد كده المدرسه هيا اللي بتمسك الحوار,وتقول ادينا شفنا ازاي زميلنا غلط وعامل الاستيكه وحش,بس احنا عاقبناه وعرفناه غلطه,نسامحه؟!!!!!!!......................يرد الطلبه كلهم: اه نسامحه.
حصه جميله وممتعه ومفيده ومتاخدش اكتر من نص ساعه وبتعلمنا قيم كتير وباسلوب فعال وممتع.
وبعد كده يخلص الموقف ده وتقول المدرسه للتلامذه خلاص,الحصه خلصت,واحنا النهارده اتعلمنا ازاي نحترم الاشياء.
ملحوظه:(مقدرتش ااخد بالي هل دي ماده عندهم خاصه باحترام الاشياء وكان موضوع اليوم استيكه,ولا هل دي حصه تنوعات مثلا وكان الموضوع عن احترام الاشياء).
بعد كده جه مشهد عن طالب في المرحله الاخيره اللي بتوازي الثانوي عندنا واللي بيسموها High school. كان بيجيب الطالب ده وهو بيلعب رياضه الجري وبيقول انا عندي امتحان رياضي بالاضافه للامتحان الاكاديمي,ولازم انجح في الاتنين. انا بذاكر في اليوم 10 ساعات وبتمرن 3 ساعات......ويجيبلك بقي الطلبه كلها وهيا بتتمرن وبتاكل في المطعم ويتحضر الدروس وبتذاكر وبيصورلك اليوم بتاعهم ازاي متنوع ومختلف ومليء بالانشطه والحيويه.
حاجات متفرقه:
الحاجات دي برده انا لاحظتها بس مش عارف احطها تحت انهي بند.
1-الطلبه بتذاكر وهيا بتاكل!!!!!!
2- بيهتموا بالرياضه جدا,لان فعلا العقل السليم في الجسم السليم.
3- جاب مشهد تلميذ في ابتدائي والمدرسه بتسأله عن نشاطه الرياضي المفضل,ولما الطالب اختاره وراحوا عشان يشتروا ادواته,ادام الراجل الcasher المدرسه ادت للتلميذ الفلوس وقالتله قول"اتفضل".......................بيعلموهم حسن المعامله من صغرهم وازاي يخلوهم رجاله......عشان كده الواحد لما يخلف ان شاء الله المفروض يعمل كده........مش تلاقي العيل الصغير تقوله "سلم علي عمو ياحبيبي",يقولك"لاااااااااا" ويستخبي وراك..!!!!!!!!!!!
4- كان جايب المدرسه مجتمعه مدرسين وطلبه وبيناقشوا مشكله للطلبه بيقولوا فيها ان الامتحان صعب........وتشوف الاهتمام علي وجوه الكل من اول ما مدير المدرسه لحد اصغر طالب في تناول المشكله.
5- الفصول نضيفه جدا,اه طبعا هما عارفين ان الBCC جايه تصور,بس برده لما تشوفها تحس انها في الاصل نضيفه,طبيعتها كده.
6- رغم ان الفصل فيه حوالي 40 طالب,الا انه مفيش شغب,المدرس ليه احترامه تماما............وده بيعكس ان الطلبه عايزه تتعلم والمدرسين عايزين يشرحوا وكل واحد فيهم حابب الواجب المطلوب منه وبيأديه بحب,مش لانه شيء واجب ومفروض عليه.........الطالب حابب يتعلم,والمدرس حابب يعلم.
7- اخر واجمل حاجه شفتها فعلا هو لما الطلبه بتعرف نتيجتها,المدرسين بيراجعوها معاهم بس مش بيجمعله الدرجات,لا,ده بيقولوا يافلان انت كان مستواك كذا ودرجتك قلت,لييييييييييه؟؟؟؟.........يقوله الطالب مكنتش بعرف انام,يقوله المدرس ليه, عندك مشاكل؟...........................وحوار بين الطالب والمدرس..............وفي النهايه,الهدف هو مصلحه الطالب.
وفي النهايه,احنا لو حبينا التعليم,لو حبينا نتعلم,لو لقينا كيانا في التعليم واننا بندرس فعلا مش بنحفظ ولا بنرص كلام وارقام جنب بعض....هنشوف تعليم مختلف تماما,مهما كانت امكانيتنا دي قليله.
Gob bless you for this fantastic work.
ReplyDeleteWe would better take care early better than country failure more than this.
Eng/ Mohammed Hussien
Mechatronics 2009
بارك الله فيك يابشمهندس. وان شاء الله ربنا يستعملنا كلنا في رقي التعليم,وفي انتظار تعليقاتك علي باقي المواضيع بأذن الله,والسلام عليكم ورحمه الله وبركاته.
ReplyDelete