بسم الله الرحمن الرحيم
السلام عليكم ورحمه الله وبركاته,اصدقائي قراء المدونه الاعزاء,تحيه طيبه وبعد:
النهارده هحكيلكم قصه نمله,دي مش نمله سيدنا سليمان-عليه السلام- ولا تعتبر قصه قبل النوم. دي قصه تحفيزيه قويه في الاراده حكاها ليا صديقي الصدوق احمد محمد ابراهيم مرسي-مهندس طيران- في جلسه جميله في نادي المهندسين.
صديقي كان عنده امتحان وكان بيذاكر في الماده وادامه عليها 4 ايام,صديقي وقفت في وشه حاجه في الماده اتخنق قرر انه يسيبها وقام مسك كتاب ثقافي كده يقرا فيه يخرج من حاله الملل اللي هو فيها ولقي القصه دي:
"كان في واحد امير عايز يفتح بلده والجيش بتاعه كان محاصر البلده دي لفتره زمنيه كبييييييره جدا ومفيش فايده والامير مش عارف يدخل البلده دي.وكان ساعتها اليوم اللي حصلت فيه القصه دي في نهايته. الامير قرر ان اول ما اليوم التاني يطلع هينسحب بالجيش بتاعه لانه خلاص زهق ودخل عشان ينام.
وهو علي سريره, لقي نمله شايله حاجه علي ظهرها اكبر من وزنها بكتير وماشيه بيها بثبات,تعجب من المنظر واستمر في مراقبتها. لقي ان في خط مياه صغير كده هيعوق طريق النمله(وشويه الميه الصغيره دي عامله زي النهر عندنا) واستني لحد ما يشوف النمله هتعمل ايه,فوجئ ان النمله بتعدي المياه دي ومستمره قدما في طريقها. قام الامير من سريره ومشي ورا النمله لقاها ماشيه ماشيه لحد ما وصلت لشجره,طلعت الشجره وفضلت تطلع, وكان في فتحه في الشجره النمله عايزه تدخل الحاجه اللي شايلاها علي ظهرها فيها,بسسسسسس,الحاجه وقعت علي الارض.
في الحال وبدون تفكير,نزلت النمله تجيب الحاجه وتشيلها تاني وتطلع بيها الشجره وتدخلها في الحفره وتقع منها تاني وتنزل تاني تجيبها.
الامير متعجب من اصرار النمله لدرجه ان قال لو النمله دي دخلت الحاجه دي في الجحر انا هدخل البلد, واستمرت النمله في محاولتها ونجحت في ادخال اللي شايلاه في الحجر وفعلا قاد الامير جيشه بعدها ودخل البلده."
هل احنا وربنا-سبحانه وتعالي-ميزنا عن كل مخلوقاته بحاجات كتير,منعرفش نبقي نملــــــــــــه.
والسلام عليكم ورحمه الله وبركاته
السلام عليكم ورحمة الله وبركاته
ReplyDeleteمهم فعلا موضوع الحافز وإن الواحد يكون عنده إرادة علشان الواحد يقدر يواصل ويحقق هدفه ودى مشكلة عندى إنى ببتدى مثلا ف الدراسة كويس ومع الوقت ودخول الامتحانات ودى أهم فترة الحافز بيروح بجد معرفش بيروح فين ماكان موجود من بداية السنة ماعلينا مع نهاية السنة بيروح الجهد اللى بذلته ف البداية رغم إنى بذكر نفسى بالنتيجة لكن الحماسة تأثيرها مش بيدوم كتير ورغم انى عارفة عايزة إ لكن مش عارفة ليه مش عندى حماسة عالية تدوم
وبنتهز كلامى ده فرصة وبطلب من حضرتك وده رجاء تكتب مواضيع أو نصائح من حضرتك عن الدراسة وان إزاى الواحد يحافظ على تركيزه لهدفه ويجاهد نفسه لأن حضرتك من الأمثلة الناجحة قدامنا فإحنا بنقتدى بحضريك وأى كلمة أونصيحة تقدمها بيكون لها تأثير وفعال. رجاء يابشمهندس لاتبخل علينا وأفيدنى ف مشكلتى لأن الفترة دى أهم فترة أنا قريت كل مواضيع التنمية البشرية بتاعة حضرتك وكان لها تأثير ولكنى منتظرة المزيد من حضرتك فأرجو ألا تبخل علينا بالمزيد من خبرتك
واسفةجدا جدا على الإطالةولكنى بتعشم ف حضرتك رحابة صدر وطولة بال
والسلام ختام
السلام عليكم ورحمة الله وبركاته
ReplyDeleteمهم فعلا موضوع الحافز وإن الواحد يكون عنده إرادة علشان الواحد يقدر يواصل ويحقق هدفه ودى مشكلة عندى إنى ببتدى مثلا ف الدراسة كويس ومع الوقت ودخول الامتحانات ودى أهم فترة الحافز بيروح بجد معرفش بيروح فين مع انه موجود من بداية السنة ماعلينا مع نهاية السنة بيروح الجهد اللى بذلته ف البداية رغم إنى بذكر نفسى بالنتيجة لكن الحماسة تأثيرها مش بيدوم كتير ورغم انى عارفة عايزة إ لكن مش عارفة ليه مش عندى حماسة عالية تدوم
وبنتهز كلامى ده فرصة وبطلب من حضرتك وده رجاء تكتب مواضيع أو نصائح من حضرتك عن الدراسة وان إزاى الواحد يحافظ على تركيزه لهدفه ويجاهد نفسه لأن حضرتك من الأمثلة الناجحة قدامنا فإحنا بنقتدى بحضرتك وأى كلمة أونصيحة تقدمها بيكون لها تأثير وفعال. رجاء يابشمهندس لا تبخل علينا وأفيدنى ف مشكلتى لأن الفترة دى أهم فترة أنا قريت كل مواضيع التنمية البشرية بتاعة حضرتك وكان لها تأثير ولكنى منتظرة المزيد من حضرتك فأرجو ألا تبخل علينا بالمزيد من خبرتك
واسفةجدا جدا على الإطالةولكنى بتعشم ف حضرتك رحابة صدر وطولة بال
والسلام ختام
وعليكم السلام ورحمه الله وبركاته,
ReplyDeleteشاكر ليكى يابشمهندسه متابعتك واهتمامك بما كتبت والقدر الذى انزلتينى اياه. وربنا ينفعنا جميعا بما كتبت.
موضوع الحافز والتركيز فى الدراسه ده موضوع كبير وميسيعوش كومنت اكتبه هنا, ولا حتى تدوينه كامله اكتب فيها ازاى تذاكر او انا كنت بعمل ايه. بس اوعدك الفتره القادمه دى (خلال هذا الاسبوع ان شاء الله) اكتب تدوينه عما اتذكره من اسلوب مذاكرتى والعوامل اللى اثرت فيا بايجاز لا يخل بالمعلومه ان شاء الله. وان كنت هكتب اسلوب مذاكرتى وفهمى للموضوع من وجهه نظرى انا, دون ان يكون هو دا اسلوب النجاح. وبالتوفيق ان شاء الله. وشاكر متابعتك مره تانى