لا لسماع كلام اليائسين المحبطين

بسم الله الرحمن الرحيم

لسه حالا دلوقت قافل التلفزيون عن برنامج البيت بيتك, كان مستضيف اتنين ما شاء الله, واحد فيهم خريج صيدله عين شمس, والتاني خريج هندسه طبيه القاهره. كل واحد فيهم عامل اختراع ما شاء الله. واحد فيهم واخد جايزه قيمتها 10000 دولار, والتاني عمل فكره ابداعيه لقياس السكر من غير دم, بيدخل تيار متردد في الجسم خفيف طبعا, ومقاومه الجسم للتيار ده بتعمل زي بصمه للجلوكوز الموجود جوه الجسم, وبكده يقدر يقيس نسبه السكر في الدم


.

التاني عمل فكره لدمج ادويه مع بعضها عشان الادويه دلوقت بقت بتتقاوم من البكتريا, ومنظمه الصحه العالميه اصدرت تقرير ان الايدز بيقاوم نسبه 50% من العلاج وان العلاجات دلوقت لازم تندمج مع بعض بطريقه وبنسب معينه عشان تبقي فعاله في مواجهه المرض ومقاومه البكتريا. الولد الصيدلي (احمد), ما شاء الله كانوا عاملين فريق عمل جميل: اتنين صيادله,واحد مهندس وكلموا مدير تسويق وعملوا خطه عمل........ناس بتشتغل, مش قاده تندب حظها وتقول كاني وماني...الظروف والقرف.......اهم,اتنين خريجين جامعات حكوميه وعملوا ابحاث عالميه وان شاء الله هياخدوا بيها مراكز عالميه زي ما اخدوا اول مراكز علي العالم العربي كله

.

خلاص, انا قررت ونويت بأذن الله, لا لسماع اليائسين تاني, كل واحد بيختار اسلوب حياته....اللي عايز يشكي هيشكي, واللي عايز يشوف حل ربنا بيكرمه بيباركله وبيوفقه بالحل....ربنا كريم ووهاب ورزاق, ناخد با الاسباب ونتعلم ونتوكل علي الله ومنضيعش ثانيه تاني في عمرنا....نقرا اكتر ونكتب اكتر ونتعلم اكتر ان شاء الله...ان شاء الله نرجع عصر العلماء الشموليين تاني....اان شاء الله نفهم في كل حاجه.....ان شاء الله نكون ايجابين ومش هنكون بغبغانات لما نلاقي حد بشتكي نشتكي زيه......ان شاء الله هنفكر بعقلنا مش بعقل حد تاني,وهنشوف بعيننا مش بعين حد تاني
.

اللي بيفكر بشكل سلبي بيكون معندوش مهارات,تسمع ليه لكلام اليائسين المحبطين امثال فلان وعلان اللي مش مركز في اي حاجه, لا بينمي نفسه, ولا بيعمل حاجه, كل حاجه كان نفسي اعمل كذا,كان نفسي اعمل كذا....يأس يأس يأس حاجه تتعب, الحمد لله عندنا قدرات وامكانيات كتير وان شاء الله هنميها اكتر وهنتعلم اكتر, هنكون ذوي شأن بأذن الله, وهنعمل كل حاجه نفسنا فيها ان شاء الله
.

يارب يارب يارب,اقسم عليك ياكريم, ان توفقننا للخير والصلاح والتفوق واكرمنا يااكرم الاكرمين واعنا يارب علي استغلال كل لحظه في حياتنا في الطاعه والخير والصلاح افضل استغلال.............اللهم امين.