مهرجان التنميه البشريه الثاني.........حاجات متفرقه

بسم الله الرحمن الرحيم


دي شويه حاجات متفرقه من مهرجان التنميه البشريه برده جمعتها كلها في كتابه واحده عشان مش لاقي بند معين اصنفها تحته. ودلوقت نبدأ:



1- عشان تبقي قائد ناجح,لازم تبقي تابع ناجح.


2- لما تتعامل مع مديرك ويكرهك,شوف هو ايه اللي خلاه يكرهك وجاب المفهوم ده منين........وغير عنده المفهوم ده لحد ما يبقي في صفك.


3- سيدنا اسامه بن زيد كان قائد جيش فيه سيدنا عمر بن الخطاب وسيدنا ابوبكر رضي الله عنهم والصحابه جنود تحت امرته,وده يعلمنا اننا منستهونش بالاصغر مننا,وانه لازم احترم العلم مهما كان صغره,وانه لازم في يوم الرايه بتروح للجيل التاني........فنستغل وقتنا صح عشان نقدر نحقق حاجه في الدنيا دي نقابل بيها ربنا قبل ما الرايه حد تاني ياخدها واحنا لسه ما عملناش حاجه.

• حاجه جميله برده جت في بالي وانا بكتب النقطه دي,شفت دكتور في التلفزيون ما شاء الله,هو مشهور جدا,كان بيتكلم عن نفسه في البرنامج اللي استضافوه فيه وقال فيه,انه لازم كل يوم هو ومراته ينزلوا يشتروا الخضار مع بعض...........بيعمل كده عشان لما يسيب منصبه ميحسش بالتغيير ويفضل طول عمره مفكر نفسه انه موظف في مكانه وانه زائر في الدنيا دي لفتره بيقضي فيها مهمته وماشي تاني.........يارب ارزقنا الحكمه ورضاك.

4- قيادتك للعالم تبدأ من قيادتك لافكارك.


5- التطوع والعمل الخيري بقي شيء اساسي دلوقت في اي CV.


6- لما تبتدي حياتك العمليه,انزل في الاول عشان تتعلم وتاخد خبره,بعد كده هتقدر تملي شروطك انما مش من الاول,لازم هتتعب في البدايه.


7- دكتور اول يوم في العام الدراسي سئل الطلبه بتوعه انتوا شايفين ان في ظلم في الجامعه,كلهم قالوا اااااااااه,الجامعه مليانه ظلم وكلام كتييييييييير..........قالهم طيب اللي اتظلم منكم يقول اتظلم في ايه....محدش فتح بقه
احنا كده,نحب نبقي بغبغانات ونقلد من غير ما نفكر.............ربنا يصلح الحال


8- متقللش من عمل الناس مهما كان,لانك متــــــــــــــــــــــــــعرفش اللي بيشتغل الشغلانه دي هو تعبان فيها اد ايه....من فيلم(اسف علي الازعاج).

9- فيما يخص الانترفيو:

لما تروح انترفيو لازم تسألهم هيردوا عليك امتي....قالولك بعد اسبوع....عدي 10 ايام ومردوش,اتصل بيهم " والله انا امتحنت عندكم هنا من 10 ايام ومحدش بلغني بالرد سواء اتقبلت او اترفضت............."

-ممكن يقولك لا يافندم كنا نتمناك تكون معانا بس للأسف,مفيش نصيب........ان حصل ده,حاول تعرف السبب بكل احترام لنفسك من باب تقييمك لنفسك عشان تتفادي ده في مره تاني في انترفيو تاني,قالك معرفش السبب والله,قوله شكرا يافندم,وانا سعيد جدا اني نلت شرف مقابتك وكان اتمني ابقي تحت اداراتك في يوم من الايام عشان اتعلم منك.

ممكن يقولك لا ولله مش عايزين النهارده,انت ملكش لزمه.............ممكن يكون ده مش اسلوب وقح ولا حاجه,وتكون انت مقبول,بس برده عايز يختربك ويشوف رد فعلك.

- ممكن تتسأل في انترفيو,انت ممكن تمشي وتسيبنا لو لقيت فرصح احسن..........انت اكيد لما تلاقي فرصه احسن هتسيبهم,بس لما تتسأل سوال زي كده رد بذكاء زي مثلا" لو حسيت اني خلاص مش هقدر ادي الشركه تاني اكتر من ,ومعنديش من المهارات الزياده اللي يخليني ابدع اكتر(وانت كده بتقوله لانك مدربتنيش وحسستني اني كل يوم بتعلم جديد),اكيد هفكر امشي".

10- الافلام............كلنا بنشوف افلام,بس الافلام انواع,حاول تستغل وقتك في الفلم اللي انت بتشوفه.....بمعني..انك تشوف الفلم اللي هيديك قيمه جديده او حاجه تفيدك..........وخللي بالك,ان الفلم بيمثل ثقافه,فكونك بتشوف فلم هااااااااااااااااااااااادف عشان بس تتعرف علي ثقافه جديده,انا بعتبر ده كويس.

11-اذا اردنا ان نعمل بدون تعب,فلابد ان نتعب لنتعلم كيف نعمل بدون تعب.

12- المرء مخبوء تحت لسانه.....فاذا تحدث بان.

13- خذ الحكمه ولا تنظر من اي وعاء خرجت.

14-الحاجه مادام بتعملها بنفس الطريقه,لازم تطلع بنفس النتيجه......فلو نفسك تتغير وتغير حاجات فيك(طرقه مذاكرتك,تعاملك,...),لازم تغير الطريقه اللي بتعمل بيها الحاجه دي.........مش هتذاكر مذاكره المقبول وتطلع بامتياز!!!!

15- الاعور علي العميان مفتح..........طول ما انا وسط الناس هيا هيا,لو كانوا عمي وانا الاعور اللي فيهم,هحس اني التوب.......لازم اغير الناس واشوف ناس تانيه بثقافه تانيه وعلم تاني عشان اشوف انا اعور ولا عامي ولا مفتح!!!!

16- من لا يتقدم........يتقادم.

17- انت اكبر مما تتصور.......بس انت اللي محجمها.

18- العقل زي الشمسيه,مينفعش يشتغل غير لما يتفتح.

19- التنفس يتيح الاكسجين للوصول للمخ.

20- افضل وقت للفهم من بعد العشاء حتي الساعه 12 مساءا.

21- تنفس الاسترخاء(التخيل,الابداع) : 4 شهيق-2 امساك- 8 زفير...............تنفس الطاقه القصوي(حالات التوتر): 4 -2 -4 .........يشترط السرعه في هذا التمرين..........تنفس التركيز(المذاكره,قبل الحفظ): 4-4-4.

22- اهم حاجه في وضعيه الجسم للتركيز انك متضغطش علي بطنك.

23- التركيز يعني ان كل حواسك مركزه في الحاجه دي,فمش جعان,مش تعبان.......كلك مركز.

24- خللي حواليك وانت بتذاكر اللون الاصفر, او علم بالاصفر الفوسفوري لانه بيريح المخ وبيساعد علي التركيز.

25- عند الحاجه اللي عايز تحفظها وتركز عليها......وسع حدقه العين.

26- الذاكره مش بتضعف لما تكبر.......اينشتين ونيوتن وكل علماء المسلمين لحد ما ماتوا وكانوا بيحفظوا ويفهموا ويعملوا كل جديد.......انما الذاكره لو سبتها فتره من غير ما تشتغل,هتنسي.

27- اي واحد عايز يبقي ناجح في الحياه لازم يكون عامل خريطه ذهنيه.

31- وسيله الاتصال ب محمود فؤاد,بتاع مهارات التعلم والذاكره والتركيز الاتي:

sona3_el7ayah2004@hotmail.com

islamic_hofaaz@yahoo.com

0124938330

واخيرا,ربنا انفعنا بما علمتنا........والسلام عليكم ورحمه الله وبركاته.

والسلام ختام